ANC POLITIEKE ONKUNDE, OF DALK...

Terwyl president Jacob Zuma homself almeer in 'n politieke knyptang bevind na die Appelhof se uitspraak ten gunste van die DA (om insae te bekom in die opskorting van die korrupsieklag teen hom), skryf Volksblad  in sy hoof-redaksionele kolom dat die ANC se volgehoue aandrang op die ondersoek na transformasie in die uitsprake van die hof hierdie party se onkunde oor die konstitusionele demokrasie blootlê.

Hier word verwys na die "ANC se verdraaide kommentaar dat die DA die regering deur die howe wil ondermyn en verlam." Die koerant meen die "ANC kan en wil blykbaar ook nie begryp nie dat dit die hart van ons demokrasie is dat Zuma net so gelyk voor die reg is as die res van die land."

Mens is nie seker dat dit "onkunde" is nie. Dalk eerder die voorbereiding op 'n plan wat die ANC in die mou voer om uiteindelik die oppermag in die land te bekom - en daardeur die mag te behou en die begrip "demokrasie" te her-interpreteer in SA-konteks. Die oppergesag behoort volgens hulle aan die verkosenes.

ANC-kritiek wys sy onkunde

Pres.Jacob Zuma en die ANC, wat die howe toenemend kritiseer en onder druk plaas, het ’n reguit boodskap van die appèlhof gekry dat die oppergesag van die reg in die land geld.

http://www.volksblad.com/Opinie/Hoofartikels/ANC-kritiek-wys-sy-onkunde-20120321