Slagspreuk:

In Christus saam op pad!

SAMESTELLING VAN DIE SINODE

Die NG Kerk in KZN bestaan uit 54 gemeentes met ongeveer 25,031 belydende lidmate en 6,100 dooplidmate.

VERKLARING - Sinode 2012
Al die lof, eer en dank aan God die Vader van ons Here Jesus Christus, wat 0,3% van KZN se bevolking geseën het tot ‘n seën vir nege miljoen ander. Ons prys Hom dat Hy die NG Kerk in KZN vertrou om ‘n verskil te maak op ons reis deur hierdie wêreld.
Tydens die afgelope week se saamreis kon ons iets van hierdie verskil sien. Ons kon dit beleef toe gemeentes, ringe en diensspanne ‘n wyle vertoef het om na mekaar se reisbeskrywings te luister en hul eie reisplanne verder uit te pak.
Uit hierdie verhale het ons opnuut met groot dankbaarheid en opgewondenheid besef:
·         Ons God en Here is en bly in volle beheer. As Immanuel en troue Verbondsgod is Hy saam met ons op pad. Op hierdie pad lei, versorg en verras Hy ons telkens met Sy oorvloedige genade.
·         Ons gemeentes en ringe, vanuit stad en platteland, vat saam hande om op ons reis deur hierdie lewe ‘n verskil te maak in die nood en ellende van al die gemeenskappe in ons provinsie.
·         In ons eenwees met ons familie (VGKSA en RCA) steek ons grense oor om in ons Here Jesus Christus versoening en geregtigheid binne ons gemeenskappe te bewerk – dit alles sodat die wêreld kan glo.
·         Saam met ons reisgenote uit ander denominasies bemoedig en vermaan ons die sisteme binne ons provinsie op ‘n manier wat God se Koninkryk uitbou en dien.
Alle eer aan God Drie-enig – Vader, Seun en Heilige Gees!

WAARDES
- Positiewe waardering
Die Here is reeds op wonderlike maniere aan die werk in en deur die gemeentes, ringe en sinode van die NG Kerk KZN. Ons vier hierdie dinge met mekaar voor God.
- Uitdaginggerig
Ons is opgewonde ingestel op alle geleenthede wat bestaan om die koringkryk van God uit te brei.
- Hoopskeppend
Die Kerk van Christus is die draers van die boodskap van hoop.
- Eenvoud
Ons wil alles op so 'n manier doen dat almal dit met gemak kan verstaan en kan saamdra.

SINODALE SENTRUM
Die kantore van KZN Sinode word gehuisves in ‘n doelmatige Sinodale Sentrum in Pietermatizburg wat in 1986 in gebruik geneem is. Kantoorruimte word aan etlike maatskappye verhuur en ‘n konferensiesentrum voorsien verder vir die onderhoud van al die sinodale eiendom.

Interessante feite oor die Sinodale Sentrum

Die Sinodale Ondersteuningspan (SOS) gee graag die volgende feite:
·         Dit is ‘n voldonge feit dat die sinodale sentrum finansieel selfversorgend is.
·         Geen gemeentebydraes word aangewend om sentrum-uitgawes te dek nie.
·         Alle uitgawes, selfs salarisse van kantoorpersoneel, word deur verhuring gedek. 

KONTAKBESONDERHEDE
Burgerstraat 345
Pietermaritzburg
3200
Tel: (033) 345 2276/7
E-pos: ontvangs@ngkzn.org.za

MODERATUUR

Moderator: Ds Frikkie van der Merwe

Assessor: Dr Barry Tolmay

Aktuarius: Dr Heinrich Theunissen

Skriba: Ds Gert Kok

PSD - Bedieningspan: Ds Ben van Dyk