Buro's van Barmhartigheid

Roeping en funksie
Daar funksioneer tans 2 kerklike Buro’s van Barmhartigheid onder beskerming van die NG Kerk in Namibië. Van hulle word verwag om die kerk te begelei tot ’n Bybelse antwoord op die nood van die plaaslike omgewing. Dit behels die konstruktiewe aan­spreek van die nood van mense binne en buite die NG Kerk, wat gedryf word deur ’n inner­like roeping tot naaste diens. Professionele hulp, barmhartigheid en die betoning van liefde en versor­ging behoort vanuit ’n Bybelse lewens- en wêreldbeskouing gedoen te word. Begeleiding geskied deur bewus­ma­king, motivering, toerusting sowel as mobili­sering van kliënte en multi-dissiplinêre span­lede. Aktuele nood moet aandag kry binne die konteks van die plaaslike gemeen­skappe.

Kontakbesonderhede
- Windhoek: Schanzenweg 46A, Posbus 3307, Windhoek, Na­mi­bië, tel (+ 264-61) 374360, faks (+ 264-61) 22-7287, e-pos kmrwhk@ngkn.com.na
- Walvisbaai: Posbus 820, Walvisbaai, Namibië, tel (+264-64) 20-5857, faks (+264-64) 20-5315, e-pos kmrwvb@mweb.com.na, 
- Swakopmund: tel (+264-64) 461962, e-pos kmrswk@mweb.com.na

Kinderversorging
Huis Maerua is ’n Kinderhuis wat onder beskerming van die NG Kerk in Namibië funksioneer. Skoolgaande kinders van beide ge­slagte word hier opgeneem en versorg binne ’n Chris­telike etos mits sodanige kinders deur ’n Kinderhof sorgbehoewend be­vind en na ’n Kinderhuis of plek van veiligheid verwys is.

Kontakbesonderhede
Bestuurder: Vakant, tel (+264-61) 383250.  Huisouers: Mev E Kruger, tel (+264-61) 383252; Mev M Hayward, tel (+264-61) 383253. Epos: huismaerua@iway.na

Ouer persone
Die NG Kerk in Namibië bied versorging aan ouer persone in vier inrigtings in Namibië.

·        Huis Deon Louw, Posbus 697, Gobabis, Namibië, tel (+264-62) 562895. Bestuurder: Mnr Coen Meyer. Inwoners word in enkel- en dubbelkamers, sowel as in ’n afdeling vir verswakte bejaardes, versorg.

·        Ons Tuiste, Posbus 51, Keetmanshoop, Namibië, tel (+264-63) 22-2794. Inwoners word in enkel- en dub­bel­­ka­mers, woonstelle en ’n afdeling vir verswakte be­jaardes versorg.

·        Oude Rust Oord, Posbus 20543, Windhoek, Namibië, tel (+264-61) 22-7023, e-pos ouderust@mweb.com.na. Bestuurder: Mnr S van der Merwe. Inwoners word in enkel- en dubbelkamers, woonstelle en ’n afdeling vir verswakte bejaardes versorg. Webblad: www.ouderust.com 

·        Schanzen-Oord, Posbus 389, Windhoek, Navrae: Mnr F du Toit, tel (+264-81) 261 7405. Aftree-oord met 61 woon­stelle vir selfversor­gen­de ouer persone en ’n 16-bed sorg­eenheid.

Nie-Afrikaanse bediening
Die NG Kerk in Namibië is betrokke by bediening onder verskillende taalgroepe, waaronder Engels, Otji-Herero en verskeie dialekte van San.

Binne die gebied van die Noordelike Ring is ’n Sentrum vir Diens en Getuienis in die Noord-Oostelike Streke (Degnos) gevestig wat veral fokus op die ondersteuning en uitbouing van dienswerk binne die San-gemeenskappe. Benewens toerusting van inheemse geestelike werkers om verantwoordelikheid vir die bediening te neem, is daar verskeie projekte aan die gang wat gerig is op die ontwikkeling van die onderskeie gemeenskappe. Hieronder tel onder andere veeteelt en kurio-verkope. Degnos is baie afhanklik van die steun van eksterne vennote, en is dankbaar om aan hulle erkenning te gee. Verskeie gemeentes in die Wes-Kaap, Vrystaat en Namibië is hierby betrokke.

Nadere besonderhede oor die dienswerk kan by die Bestuurder van Degnos verkry word by wildevy@iway.na.