| 7 Januarie 2009 Jongste Inligting/Nuus 1.Week van Gebed 2009 Die NGK en VGK se Verenigde Diensgroep vir Diens en Getuienis (VDDG) het materiaal voorberei wat kan dien as riglyne vir gebruik tydens die Week van Gebed aan die begin van hierdie jaar. Hierdie materiaal is beskikbaar op die Aansteekbord langsaan. Opmerkings/Navrae: kommunikasie@kaapkerk.co.za STRUKTUUR VAN DIE SINODE Die sinode van Wes- en Suid-Kaapland is een van die 10 sinodes van die NG Kerk. Die sinode bestaan uit 229 gemeentes, wat strek van sover as Springbok en Beaufort-Wes in die Wes-Kaap en George in die Suid-Kaap. Daar is 229 343 belydende lidmate, wat bedien word deur 375 leraars. Plaaslik word die gemeentes geografies georganiseer in 29 ringe, naamlik Beaufort, Bellville, Brackenfell, Caledon, Calvinia, Clanwilliam, Durbanville, George, Goodwood, Kaapstad, Knysna, Koeberg, Kuilsrivier, Mosselbaai, Namakwaland, Oudtshoorn, Paarl, Parow, Piketberg, Riversdal, Somerset-Wes, Stellenbosch, Swartland, Swellendam, Tulbagh, Wesland, VGK-tak (Malmesbury, Moorreesburg en meer), Worcester en Wynberg.
Die administrasie van hierdie sinode vind plaas uit die Sinodale-Sentrum in Bellville. SINODALE-SENTRUM
Fisiese adres:
De Langestraat 5
Pastoriestraat 11
Bellville
Posadres :
Privaatsak X8
Bellville
7535
Kantoorure : 07:45 tot 16:00 en op Vrydae : 07:45 tot 15:30
Rigtingwysings na die Wes- en Suid-Kaap Sinodale-Sentrum vanaf die N1
Vanaf die N1, neem Durbanweg/ Van Schoorstraat-afrit na die sentrale middestad van Bellville. Ry verby Vodacom en Huis André van der Walt aan jou regterkant en Telkomgebou en -toring op jou linkerkant deur 3 stelle verkeersligte. By die vierde verkeerslig, na die Telkomgebou, draai links in De Langestraat. Ry oor die eerste kruising. Die Sinodale-Sentrum is die tweede gebou op die linkerkant (De Langestraat 5). Parkering is beskikbaar voor die gebou in geel aangedui.
Rigtingwysings vanaf Kaapstad Lughawe
Neem Borcherds Quarryweg (rigting na Bellville). Draai regs in Modderdamweg. Ry in Modderdamweg (rigting Bellville), verby die Universiteit van Wes-Kaap se ingang. Draai links by die volgende verkeerslig. Ry aan verby Bellville-stasie (op linkerkant). Ry oor Voortrekkerweg in Vleistraat. Draai links by die eerste verkeerslig in De Langestraat. Die Sinodale-Sentrum is aan jou regterkant net na die Bellville NG Kerkgebou. Die adres is De Langestraat 5. Parkering is beskikbaar voor die gebou in geel aangedui.
KOMMUNIKASIE
Die kommunikasie van die sinode word hanteer deur die Sentrum vir Kommunikasie. Dit behels alle elektroniese kommunikasie/inligting, (intern sowel as ekstern), asook die publieke getuienis (skakeling met media) van die kerk vir die sinode. Dit is terselfdertyd die kantoor waaruit die Algemene Sinode se elektroniese kommunikasie, sowel as die betrokkenheid van die NG Kerk by die wetskrywende proses van die Nasionale Parlement (Parlementêre Lessenaar) bestuur word. MODERATUUR en MODERAMEN 1. MODERATUUR
Klik hier om die Moderatuur te besigtig.
2. MODERAMEN
Klik hier om die Moderamen te besigtig. | |
